看完《反斗奇兵3》，興奮得很想快點有《反斗奇兵4》。
其實《反斗奇兵》系列，都是一班玩具不知怎的「走咗出街」，然後要「搵路返屋企」。雖然這是公式，但《反斗奇兵3》劇情較前兩集更豐富、過程更惹笑、情感更真摯動人。我在戲院竟然「笑得大聲過前後左右班細路仔」，又「差D流出幾行眼淚」，我好鍾意這齣戲。
《反斗奇兵》的主角和大配角，經過頭兩集的發揮，我以為無乜邊個可以再出位。今集，胡迪繼續宏揚勇敢、忠心、有義氣的精神，巴斯光年借助西班牙仔上身攞分，各人都做好本份。當我以為只係多咗隻士多啤梨熊和KEN哥，但那個大蕃薯竟然可以玩得咁盡搶晒鏡，我要極力表揚蕃薯伉儷，他們為電影生色不少！
《反斗奇兵》得到我的歡心，是一大奇蹟。因為《反斗奇兵》的主角，全部都不是我喜歡的類型。但我竟然在第一集鍾意咗機械人巴斯光年，第二集鍾意咗牛仔胡迪，今集，竟然鍾意咗安仔。
我好唔捨得安仔，我好唔捨得班公仔，一定要有第4集，我會繼續支持你哋！
沒有留言:
張貼留言