年輕與成年的分別

年輕時，乜都得 變左 人老左，變化多，包括：

1. 鍾意著黑色衫扮cool，著緊身衫露纖腰 變左 遷就唔好的面色著彩色衫，為左駭人的肚腩逼住著鬆身衫

2. 唔食早餐唔食午餐依然龍精虎猛 變左 一餓就頭暈胃痛情緒崩潰

3. 鍾意食垃圾食物，口頭蟬係「食極唔肥」 變左 食草食葉食沙律仍然賤肉橫生，口頭蟬係「減肥」

4. 十八無醜婦，天生麗質天天素顏，被人問點解唔參加選美 變左 塗脂抹粉落街買餸都要遮瑕，被喊阿姐大受衝擊還未算，一句句太太阿太師奶句句頂心。

5. 不愛運動亦不需要運動 變左 不愛運動但極需要運動

6. 隨時能睡，坐巴士熟睡得頭狂撞窗都醒不了 變左 隨時都想睡，但數極綿羊都睡不了，壓力大到幻聽有鬧鐘響

7. 偶爾生暗瘡，但熱氣好易殺退 變左 皮膚敏感暗瘡毒瘡成朋友，身體失調無佢符

8.  頭暈身㷫都不用看醫生，藥都唔駛食自然好 變左 傷風感冒醫極唔好，成藥清得快過枱頭零食

9. 與世隔絕自得其樂 變左 想與世隔絕但身不由己交際少不了

10. 在愛情間浮游屢屢碰壁身心受損 變左 在愛情裏沈澱被愛滋養育成幸福小婦人