狂 loop 193 新歌《再次PuppyLove》

我們現在新 loop 的歌係 33 嘅《再次PuppyLove》，之前聽 193 live 唱過都覺得幾好聽，而家睇埋個 MV 真係好掂，一睇就話「嘩好陽光檸檬茶呀！」

MV 好睇首歌入耳，33 首歌好似好易唱，但老公都覺得唔係咁易，唔知點解硬係覺得 33 有自己嘅 key 和節奏。仲有 33 嘅演技真係好正，扮含羞答答、觸電和驚驚都好搞笑。

林明禎勁可愛，老公仲讚 Candy 做得好好，仲竟然話 3妹靚過 Yoyo！而我就一直比林明禎電親。我第一時間就發現了《男人四十》和 "Lolita" 嘅暗示，無人提得我知就覺得我真係老了……當然我們都研究咗 3妹個口型好耐，我堅持 3妹係好溫柔斯文的，一定係講「正無賴」，但老公就話好似係「正X街」，轉頭 3妹就間接證實係講咗粗口啦，哈哈！最後，就係老公見到霍哥超興奮，我無睇佢頻道，但好開心 193 搵到咁多人拍佢 MV，希望 Eorror 和 193 在今年都有多d作品。