我今日的下午茶大餐
今日去759和超市補貨,照常都係又餓又累咁回到家,不同嘅係以前次次都會買點吃的,因為每次回到家都餓到手震,但今次要托的實在太重了,沒有手再騰出來拿外賣,回到家就唔客氣用咗老公明天的早餐——鯷魚包,做了個 perfect tea set 比自己。
唔知點解,平時我煮粉就求求其其,但煮蛋煮包就好認真。我好鍾意食炒蛋,但外面愈來愈少好吃的炒蛋,澳牛很久沒去了,吃過很多all day breakfast,就算好貴的都未必炒得好隻蛋,暫時記得好吃的有The Yell-Owl Seafood and Grill。
今天因為有新鮮蛋,就做了太陽蛋配麵包。我愛用多一點的橄欖油把蛋煎到燶邊又半熟,把蛋連埋橄欖油放在面包上,最後灑上芹鹽,正!無印嘅鯷魚包係老公嘅最愛,煙煙韌韌又有鹹香,好正。
今天真的好累了,但哄得自己好開心,雖然我破戒吃了麵粉,但有時都顧唔得咁多,痛就痛吧,心靈上的滿足也是很重要的。
沒有留言:
張貼留言