聖誕大餐：Grill 28

不知為何，今年聖誕前後出街，兜兜轉轉都會去了尖沙咀。明明因為身體不舒服，去了「第一腸粉」食粥、蘿蔔糕和腸粉，都可以搭左巴士去天星；又因為尖沙咀人太多，再搭船去灣仔。

去到灣仔，我一時興起說：「不如去築地」，得到御准「唔好理價錢，幾貴都去吃吧」。但當我看到二百元食一個魚生飯加一個烏冬，就縮沙覺得這好唔抵。於是，我們就去灣景碰運氣，竟然就這樣遇到抵食好食氣氛一流服務滿分的Grill 28。

其實，在毫無目標下亂行尋覓，而去到一間有驚喜的餐廳，真的很幸福。這是一個旅程，一個經歷，一個故事。我們在生活中，這些點滴特別珍貴，刻意不來，只因默契。

好有酒香的青口，98元已經有很多很多青口。

羊柳好軟有肉汁，雖然食到最後才有一點羶，但有三大條我也很滿意了（烤蔬菜很香很甜）。

海鮮拼盤超豐富，有三大隻虎蝦！三文魚很嫩，最好吃是帶子，滿口都是濃郁的帶子香味。
Charles 最喜歡沙甸魚，有魚油香又甜美。