生日第三彈：早來了的生日飯

好耐無出街，近來身體好轉，我又開始出動了。繼與十年無見的好朋友約會後，我今日竟然食左第一餐生日飯。

事緣姨媽說好耐無見我，我就受寵若驚約她食飯，唸住請佢食龍蝦。點知，龍蝦未食，今天突然見到她，我就帶她食pizza。埋單時，我們又上演一場「我比啦你唔駛比我請你啦唔好啦我比錢你收埋……」的戲碼，結果，姨媽搶贏了才知道我快生日，好開心做第一個請我食生日飯的人，連在旁的媽媽都笑唔出了吧？這麼無辜辜便比人搶左個第一，哈哈……

身體好真的萬事順暢，昨天試飲奶昔，今天又多送我們一個「布斯加達焗麵包」。近來見到很多好耐無見的人，下一個目標是孖女侄女，我又要攬住她們大叫「我好鍾意你哋呀！」