情人節開工

2月14日有工開，突然不用慶祝情人節，我竟然沒有失望。

如果情人節天是假日，倒是可以去逛街看戲，但有幾何情人節會遇上假日？平日過節，還不是去吃頓飯就算。但那天的情人節餐，實在是又貴又唔抵，連印度餐廳平日算抵食的二人套餐，也加價二十元。這天，出外食飯很不划算。

本來，我預備做個大蝦意粉+薄餅，再配個心太軟蛋糕，這應該既特別又有過節氣氛。但現在要上班，一切都可以取消。不用晨早去搵蝦，不用忙亂做蛋糕，吃過飯回家開套戲，舒服到不得了。

最意料之外的是，我本來一個人過大半個情人節，現在有幾十人陪我，雖然我預計會好眼瞓好疲累，但有嘢做有錢賺的情人節，倒是一份大禮物。

我好像愈來愈不浪漫，覺得情人節太像商業活動，還是我真的未試過浪漫的情人節？