我很佩服摺衫摺得靚的人，一個是我的媽媽，一個竟然是一個男人。
我不討厭摺衫，但我摺的衫永遠都是脹卜卜。我不會慢慢「對摺」和「壓平」，因為明天不穿後天穿，花時間摺完又拆散，嘥氣嘥心機。我知道衣服摺得好，可以慳好多位。但如果我櫃筒唔夠位，我可能選擇唔要件衫都未必會摺過件衫。
我的媽媽摺衫當然好，櫃筒永遠整整齊齊。但她是女人，又是阿媽，我不驚訝她有超卓的做家務才能。我詫異的是另一人，為何一個男人的摺衫技巧能媲美我的媽媽？他摺衫像摺紙，我無論看過幾多次他的「傑作」，都被那「扁」「平」「方」「正」嚇了一跳。他摺的衫，等如我摺的三分一。
做家務的男人已不多，能把衫摺得像藝術品般的男人又有多少個？
應該有既……。我常常覺得，上了年紀的男人，都能將家務處理得井井有條。又或者，不是年紀的問題，而是年代。
回覆刪除我覺得是人的問題，不是年紀的問題。
回覆刪除一些些啦，有些人，可能因為要照顧有需要的太太，又或是自幼需要做家務，所以有這「技能」。
回覆刪除