一切都太快

 一直唔想寫文章，因為唔想記得這段過程。

昨晚又頭痛又失眠時，突然想抒發一點思緒。

我很喜歡下雨，愈大風大雨我感覺愈舒服；但是，現在面對壞天氣，我的好心情會摻雜另一種複雜情緒。

我會回想到，需要做緊急手術的病人，會因此耽誤了。要在公立醫院再排到期做手術，一等又不知要等多久，對已經很擔心的病人和家屬而言，很折騰。手術一延遲，很多後續治療都會延遲，生存機會就……不敢再想。

當時，我們準備明天術前驗血型，恐防手術大出血要輸血，但天文台預告明天會大暴雨，我問姑娘如果明天黑雨怎辦？她說希望不要呀，不然唔知要幾時先可以再手術。

幸好，天文台經常唔準，第二天天晴。

自此，颱風來臨前，我都好想掛八號，但好唔想掛八號。我好想開心輕鬆一下，但要拋開回憶並不容易。