遲來的生日願望

幾日前牙骹開始痛，但無為意，因為我久不久就會牙骹發炎，尤其是感冒或枕住瞓整到，都會痛幾日就無事。

但不知我是因為食中藥太補，還是今次佢唔識自己好，今晚開始愈來愈痛，痛到似牙痛，痛到發噩夢，我痛到張不開口，唔單止牙骹痛，連上下兩排牙好似上次要杜牙根咁痛，趕忙起床夾硬打開個口，食了兩粒特效止痛藥。

中醫說我大大小小好多問題，也知我近來虛火好厲害，牙肉痛牙骹痛爆瘡乜都來，我偏向牙骹出事唔關中藥事。

食止痛藥一小時，藥效開始發作，唔郁個口就唔太痛，但一郁就好似比人打左一拳，撕心裂肺痛到頭都痛埋。希望可以快點止痛，去睡一會，昨天頭痛到失眠，今晚又牙痛，多災多難，祝自己身體健康，生日快樂。