絕不好客

住在離島，接待客人就變成我的突擊測驗。別人一來到離島，就會想起你，一想起你，就會把到你的家變成行程。如果我是好客之人，我當十分高興，可惜我不是。我很抗拒別人要來我家作客。

一來，我的家極小，企四個人都侷促，實在「無乜位比你坐」。我家又無娛樂，與其在我家屈就睇大牛龜電視，倒不如我出去陪你飲咖啡。

二來，我這個懶婦人太懶做家務。如果有客人，我務必要在幾天內「做餐懵」。執枱執凳、掃地抹地、洗廁所抹塵，最好做埋洗衫熨衫、換床單被袋……做家務真不簡單，何妨要極速令屋企光潔明亮，香氣四溢？最可怕就是做完後，別人說我家亂和多塵。我已經盡咗力，麻煩你們「睇到都當睇唔到」。

如果不幸真有人來我家作客，我就如墮萬丈深淵，必然情緒低落、亂發脾氣、憂心忡忡、怨氣沸騰。但既然已成定局，我會盡快催眠自己：有客人來探我，這不錯啊！一天好快就過去，最多把家務做得敷衍一點，最緊要「洗靚個馬筒就得啦」。

別人來探我，我應該高興，我不應呻呢樣呻個樣。他們只是掛念我，我很期待他們的到來。