係咪任何年齡的女人，都係覺得自己好肥？
昨天，我在馬莎睇特價衫時，興致勃勃地找到寬身遮肚衫，正在欣賞之際，旁邊有個女人和她的朋友講：「呢件啱我呀，啱我身材。」我好奇一望，點知係個瘦到無肉既婆婆，不要講肚腩了，連少少bye bye肉都無。唔該睇下，挺住個大肚腩嗰個係我，佢d咁fit既身形，根本就唔駛唸任何闊身衫，除非你話特別鍾意佢舒服啫，如果唔係，著返fit身衫係型好多㗎。
係咪任何年齡的女人，都係覺得自己好肥？當然不是，想當年我十幾廿幾歲，無覺得自己肥，衣服都是窄身衫：黑、白、紅、藍、綠，乜色都carry到。而家唸返，都慶幸自己曾經幸福過：乜款都買得，乜色都OK，唔駛唸唔啱唔身，只需要一句鍾意就得，因為一定都好睇。
係咪任何年齡的女人，都係覺得自己好肥？當然不是，但又有多少真正認識自己的人？
