蚊蚊，我怕咗你了

 比隻蚊入左屋，可以點做？

趕佢唔走，拍佢唔死，但就不斷比佢咬陰濕位，仲搞到成晚無得瞓。

事緣，第一晚睡前發現蚊的蹤跡，無計，要瞓，唔理，開大冷氣和風扇，消極對抗。平安度過一晚，但清晨起床忘了有蚊閂晒冷氣風扇，就被咬左好幾啖。大戰一觸即發。

第二晚，仲未捉到佢，開住冷氣風扇瞓，依然被咬腳板底。凌晨一直在等在追打，眼利的我在窗簾在暗處找到牠。但手拍不到，蚊拍蓋住但竟然著燈但無電，眼睜睜看著蚊在蚊拍裏周圍走在玩，再斯斯然飛走在恥笑我們。

第三天，香茅出動。買了兩款香茅膏想薰走牠，牠曾一度消失，我過咗一段好日子。

第四天，香茅繼續工作，但蚊竟然在我面前出現，新蚊拍出動，但竟然又係電唔到。老公最後結論：「這是一隻唔導電嘅蚊。」此蚊極蠱惑，識得避蚊拍，會出來引你，你一郁佢走得飛快。超敏捷，超聰明，我好想打死佢，佢偏偏唔死仲要出來炫耀。

打此文之際，是我剛失敗之時，一邊打文，一邊眼看四方，蚊沒有出現，但我已心緒不寧。好吧，我輸了，佢贏晒了，都已經貢獻咗咁多血，點先放過我？

有無人教我，點樣可以趕走一隻入咗屋唔肯走嘅蚊？

孖女讓人融化了

隔咗半年，終於見到最愛的姪女。

對著她們，我忍不住一次又一次讚嘆：「你哋真係好乖好得意啊！」妹妹害羞的別過頭，家姐看著我傻傻的笑，笑得十分燦爛，好可愛。

我躺在床上休息時，她們就在旁玩耍。我摸著肚子說：「我好肥，個肚好大，你哋知唔知要點減肥？」妹妹從床頭爬過來，靠得我很近很近，十分認真十分肯定的對我說：「你一D都唔肥！」天哪，這甜甜的人兒，真的讓人融化了。

我最愛的姪女，當初就小小的一個，在醫院BB箱，一出生已十分漂亮，一出生已懂得睡著笑。現在，一個小女孩有13個夢想；一個小女孩夢想要生10個BB，並說要慢慢找到適合的另一半。

可以看著她們長大，十分幸福。