初中時，我的幾個女同學都很喜歡球星，一個喜歡奇連士文、一個喜歡馬甸尼、一個喜歡K安達臣，其他忘了。她們都因為喜歡這些球星，憧憬著大個要去德國和意大利。她們有很多球星卡，我都好像有一張舒米高。小息時，她們成日都會喊著「真係好靚仔呀！」，不過我們齋講人沒有講過波。
那時沒有收費頻道，大家要睇波都係在《體育世界》，睇返D賽事精華。所以，其實大家都唔係好識睇波。我還處於因為傑斯好型舒米高好勁所以喜歡曼聯的狀態，真正睇得多，要數世界杯，因為無線一定播，那時我最迷應該是「風之子」肯尼基亞，很抱歉都是因為佢好靚仔，勁鍾意阿根廷所以勁憎巴西，哈哈。
我想，我最初算是因為球星而喜歡睇波的女球迷？不想承認，但好像如此。
