我無病

我經常和自己說（更想向人宣告）：我只是有點（常常）唔舒服，唔係成日病！我不喜歡不願意很討厭別人說：「你又病呀？」很多事能釋懷，但我就是不能對這句說話處之泰然。

通常「你又病」這句說話，都是在我唔舒服時出現，當我唔舒服時，心情自然差，也是氣弱柔絲，甚至煩又忟自己。如果還被「你又病」打擊一下，我就會爆發「係呀！我又病呀！」但是，我總會安慰自己，我唔係病，只係唔舒服。

今天，終於去專科把自己徹徹底底的照了幾遍。醫生說：「你正常」。嘩！我很久沒用正常來形容自己。專科醫生頓變心理醫生，把我從繃緊的情緒，變成輕鬆快活人。

王醫生說：「最緊要唔好當自己係病人，有時你並唔係病，而係唔知點解對某D嘢敏感，呢樣唔係你做成，可能係體質使然。當然，壓力、工作、家庭都可能有影響，但你永遠唔知道，係你身體唔舒服影響左你的精神，還是你的壓力壓垮你令你病倒。因為這些根本唔係有病，所以也沒有特別藥可醫，最好的辦法，永遠都是改變你的生活習慣。」

雖然王醫生和我上了半小時醫學課，令我精神煥散不停發夢，但他這段結語，實在是正中我心坎。多久沒有人這麼懂我了？我甚至放棄了向別人解釋了。「唔係病，只係唔舒服。」一個在家休養的人，就是一個令人擔心的病人。

現在，我拿到超聲波片，真正看透了自己。我不是病人，我有正常生活，我能有快樂，我還有很多未來。